Sunday, January 30, 2011

മാരി പെണ്ക്കൊടി(കവിത)




സിന്ദൂരം തൂകിയ സന്ധ്യയൊന്നില്‍
സുന്ദരിയാം ചന്ദ്രിക പാല്‍ ചുരത്തി .

ഈറന്‍ചേല ഞൊറിഞ്ഞുടുത്തു-
തെന്നെല്‍ ,ചാമരം  വീശി നിന്നു .

മേഘമാം പട്ടു  പുതപ്പു മാറ്റി  ,
കണ്ചിമ്മി വിടര്‍ന്നു താരകങ്ങള്‍ .

തൊടിയില്‍ എങ്ങോ മറഞ്ഞിരുന്നു
രാഗങ്ങള്‍  ഉതിര്‍ത്തു ചീവീടുകള്‍.

രാത്രിയെ പുളകിത ഗാത്രിയാക്കാന്‍
നറുമണം തൂകി നിശാഗന്ധികള്‍ .

രാക്കിളി പാടും താരാട്ടുപാട്ടില്‍
നിദ്രയെപുല്‍കി പുല്കൊടിപോലും .

യാമങ്ങളീവിധം നീങ്ങവെ, ഞാന്‍-
ദൂരയായ്   കേട്ടു ആരവങ്ങള്‍ .

എത്തീടുന്നു അവള്‍ എന്‍ തോഴി .
എന്നെ തഴുകി ഉറക്കുവാനായ്

ധുന്ധുഭിനാദം മുഴക്കി മെല്ലെ
എന്നോമല്‍ സഖിയാം, മാരി അവള്‍ ,
.

Friday, January 28, 2011

സൌഹൃദം (കവിത)


ഒരു മഞ്ഞു കണം പ്പോല്‍  മഴതുള്ളിപോല്‍ 
കുളിര്‍ തൂകി ,സുഖമേകി
തളിരിടും  സൌഹ്രദമാം ..പൂക്കള്‍  
വിടര്‍ന്നു വിലസ്സിടും ഈ പൂന്തോപ്പില്‍ 
ഹാ എന്തു മനോഹരം
ഹാ എന്തു സന്തോഷം
ഹാ എന്തോരുന്മാതം
തെളിയട്ടെ ,തിളങ്ങട്ടെ
പുലരിയില്‍ ഒരുപൂവ്പോല്‍
മഴയില്‍ ഒരു മയിലുപോല്‍
നന്മകള്‍ നിറഞ്ഞൊരീ
കുളിരൂറും സൌഹ്രദം..
ഒരിക്കലും കൊഴിഞ്ഞീടാതുള്ള
പൂക്കളായ് എങ്ങും,പുഞ്ചിരിതൂകിടട്ടെ

Thursday, January 27, 2011

ചങ്ങാതീ



പോരുക പോരുക ചങ്ങാതീ ,,,,
പോന്നീടുക നീയെന്‍ ചങ്ങാതി
ഒന്നായ്‌ കൂടാം ഇങ്ങിവിടെ
എല്ലാമെല്ലാം ഉണ്ടിവിടെ
കൂടുക കൂടുക ചങ്ങാത്തം

കളിയും ചിരിയും ഉണ്ടിവിടെ
ചേട്ടനും,ചേച്ചിയും കൂടുണ്ട്‌
അനിയന്മാരും അനിയത്തികുട്ടിയും
എല്ലാമെല്ലാം ഉണ്ടിവിടെ
കൂടുക കൂടുക ചങ്ങാത്തം

കഥയും കവിതയും ഉണ്ടിവിടെ
പാട്ടും കൂത്തും കൂടുണ്ട്‌
ഗുരുക്കന്മാരും ശിഷ്യഗണങ്ങളും
എല്ലാമെല്ലാം ഉണ്ടിവിടെ
കൂടുക കൂടുക ചങ്ങാത്തം

പോരുക പോരുക ചങ്ങാതീ ,,,,
പോന്നീടുക നീയെന്‍ ചങ്ങാതി
ഒന്നായ്‌ കൂടാം ഇങ്ങിവിടെ
എല്ലാമെല്ലാം ഉണ്ടിവിടെ
കൂടുക കൂടുക ചങ്ങാത്തം

Monday, January 24, 2011

അമ്മ

ഓടിയെത്തും നേരമെന്നെ
ഓമനിക്കും അമ്മ
പാല്തരും പീപ്പിതരും
പാവതരും അമ്മ
ഉമ്മവയ്ക്കും പാട്ടുപാടും
എന്നുമെന്ടെ അമ്മ
പട്ടുറുമാല്‍ തുന്നിതരും
പൊട്ടുതൊടീക്കും അമ്മ
അച്ഛനെന്നെ തല്ലിടുമ്പോള്‍
ഓടിഎത്തും അമ്മ
അമ്മയാണീ പാരിടത്തില്‍
എന്നുമെന്ടെ ദൈവം 
അമ്മയെ മറക്കുമോഞാന്‍ 
ജീവനുള്ള കാലം . 

തീരം (കവിത)



നിത്യ വിസ്മയമാം കടലിന്‍   സഖീ ....
എന്തു ഭംഗിനിന്‍ ഈറന്‍ മേനി
പട്ടു മെത്തയാം പൊന്‍മണല്‍ തൂകി
ചിപ്പിയും ശങ്ഖും ചന്തമേകും ഉടല്‍
കടല്‍ തന്‍ ,തിരകളാം കൈകളില്‍
വാരിപുണര്‍ന്നുമ്മ നല്‍കും ഉടല്‍
പൂമീന്‍ കുരുന്നുകള്‍ മുത്തി മടങ്ങും
മനോഹരീ നിന്‍, കുളിര്‍ മേനി
ആരു നിനക്കേകിയീ കുളിര്‍
ആരും കൊതിക്കുമീ സുഖം
ചന്ദന തെന്നലോ ?പൂനിലാവോ ?
തിരകളാം കൈകള്‍ തന്‍ തലോടലോ ?
നിന്‍ കുളിര്‍തൂകുമാം   മടിത്തട്ടില്‍
അല്പമൊന്നിരിക്കുവാന്‍,
നിന്‍ തോഴിതന്‍ ചന്തവും 
ഒപ്പം നുകര്‍ന്നീടുവാന്‍ 
എന്‍ പൊയ്പോയ നാളുകള്‍ 
എല്ലാമേ ഓര്‍ത്തിടാന്‍
എത്തി ഞാനിന്നു നിന്നരുകില്‍ . 

Monday, January 17, 2011

സ്നേഹം (കവിത)


ഉള്ളിനുള്ളില്‍ നിന്നുയര്‍ന്നിടും
ചേതോവികാരമേ ,സ്നേഹമേ
മാനസ്സതന്ത്രികള്‍ തൊട്ടുണര്‍ത്തും
മധുരവികാരം സ്നേഹം .
ഓരോ ജീവ തരന്ഗവും ഒന്നായ്‌
എന്നുമേ പുലര്‍ത്തൂ  സ്നേഹം .
കരളിലമൃദ വര്‍ഷമായ് പെയ്യും ,
മൊഴിയുംമിഴിയും കവിത നെയ്യും ,
മൃദുല വിചാരം സ്നേഹം .
കുളിരേറ്റുലയും പുല്‍കൊടി നാമ്പിന് 
കുളിര്‍ കാറ്റിനോടും സ്നേഹം ,
പനിനീരേകും പുലരിമഞ്ഞിനോടു 
പനിനീര്‍പൂവിനും സ്നേഹം  
മഴയായ് മാറ്റും മാമലയോട്
മാരിക്കാറിനും സ്നേഹം
മനവും തനുവും അനുഭൂതിയേകും
മൃദുലം ലളിതം തരളമീ  സ്നേഹം

Tuesday, January 11, 2011

പനിനീര്‍ മഴ (കവിത)


ഒരു മഴവില്‍ ചാരുതയില്‍ പ്രദീക്ഷതന്‍ പ്രകാശത്തിന്‍


ധുംന്ധുഭി ഭേരി മുഴക്കി  ചടുല താള നൃത്ത ചുവടില്‍


ഒളിവീശി,മധുതൂകി,എത്തീടുമൊടുവില്ന്നോമല്‍ സഖീ.


കാത്തു നില്‍ക്കുന്നു ഞാനവള്‍ക്കായ്.




ഏകാന്ത രാത്രികളില്‍ കനവുകള്‍ നല്‍കിയ 


ഓരോ കിനാവിലും ഏഴഴക് വിടര്‍ത്തിയ


പ്രണയിനിയാം ,സ്നേഹമയി , എന്നോമല്‍ സഖി


കാത്തു നില്‍ക്കുന്നു ഞാനവള്‍ക്കായ്.




കനകമിഴിയില്‍ ആനന്ദ ബഷ്പ്പവും ,കവിതയും തൂകി


പനിനീര്‍ മുത്തുകള്‍ വിതറിയിങ്ങെത്തുമാപെണ്‍കൊടി


അവള്‍ തൂകും പനിനീര്‍ കണങ്ങള്‍  ഏറ്റുവാങ്ങാന്‍


കാത്തു നില്‍ക്കുന്നു ഞാനവള്‍ക്കായ്.