Thursday, December 30, 2010

ആശംസ (കവിത)











നവവത്സരാശംസകള്‍
................................................
ഒരുപകല്‍ വിടചൊല്ലി പിരിഞ്ഞു  'സന്ധ്യ'യ്ക്കായ് .
സന്ധ്യയോ സ്വാഗതമരുളി മറ്റൊരു പകലിനായ്.
ഓരോ പകലും ,ഓരോ സന്ധ്യയും കടന്നുപോയ്,
ആഴ്ച്ച അതൊന്നിങ്ങ് എത്തീടുന്നു മെല്ലെയായ്.
ആഴ്ച്ചകള്‍ നാല് നീങ്ങിയങ്ങ് മന്ദമായ് .
മാസം അതൊന്നു എത്തിയിങ്ങ് ചാരെയായ്
മാസ്സങ്ങളും മെല്ലെ  മെല്ലെ  കടന്നുപോയി
ആ സുന്ദര നിമിഷമതിങ്ങ് വന്നുചേര്‍ന്നു നമുക്കായ്
നേരുന്നു ,നവവത്സരാശംസകള്‍ നിങ്ങള്‍ക്കായ് .

Monday, December 27, 2010

മഴ ഒരു സംഗീതം (കവിത)

എകാന്തമാം എന്‍രാത്രികളില്‍ അവള്‍
ശോകാര്‍ദ്രമാം ഒരു സംഗീതം പോല്‍
ഇരുളിന്‍ മറവില്‍ തേങ്ങിയെത്തും,
മിഴിനീര്തൂകും ഗീതം .
പുലരിയിലവള്‍ കണ്ണീരുതുടച്ചു
പുഞ്ചിരിതൂകി മറയുമൊരു മനോഹരി
ഇരുണ്ട്കുളിരൂറും രാത്രികളും
നനുത്തസുഖമേറും പകലുകളും
എനിക്കേകും സുന്ദരിയവള്‍
മഞ്ഞുതുള്ളിയാല്‍ വിടരുമിതള്‍പോല്‍
മേല്ലെവേ എന്നോര്മകള്‍ ഉണര്‍ത്തും
ചില നേരങ്ങളില്‍ എന്നോര്മകളെല്ലാം
കഴുകി പുത്തനാം ഉണര്‍വുകളേകും 
വരണ്ട ഭൂമിയില്‍ സ്വാന്ത്വനമേകും
മഴയേ നീയൊരു സ്വാന്ത്വനഗീതം
വിണ്ണില്‍നിന്നും മണ്ണിലേയ്ക്കിറങ്ങി
മണ്ണില്‍ നിന്നും മനസ്സിലേയ്ക്കെത്തും
മഴയേ നീയൊരു അനുരാഗഗീതം.

ഇന്ന് ഞാന്‍ നാളെ നീ (കവിത)


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

സ്വപ്നങ്ങളൊക്കെയും അമ്പേ തകര്‍ക്ക്ന്നോരു,

മൃത്യുവിന്‍ രഥചക്രം ചാരേതിരിയുന്നു.

മിന്നും കിരീടം, അതുചൂടി മരണം ഇരിക്കുന്നു .

മാടീ വിളിക്കുന്നവനോരോ ജന്മത്തെയും .

മണ്ണില്‍ ശരീരം അത്  വെടിഞ്ഞു നിന്‍ -

ആത്മാവുമായവന്‍ തേരില്‍ പറക്കുന്നു  .

ആരാലുമാവില്ല അവനേ തടയുവാന്‍ ,

ആര്‍ക്കുംകഴിയില്ല വിടചൊല്ലിപ്പിരിയുവാന്‍.

ഒട്ടുമേ കഴിയില്ല  ഓടീഒളിക്കുവാന്‍. 

നിനക്കോ കഴിയില്ലെന്നൊപ്പംകൂടുവാന്‍ ,

എനിക്കും ആവില്ല കൂട്ടാളിയെ കൂട്ടുവാന്‍ .

ഓര്‍മയില്‍ കരുതേണ്ടതൊന്നുമാത്രം ,

''ഇന്ന് ഞാന്‍ നാളെ നീ എന്ന സത്യം ''.

Sunday, December 26, 2010

മഴ (കവിത)

മലകള്‍ താഴുകിയൊരു
കുളിര്‍കാറ്റിന്‍  കൂട്ടായ്,
ഓരോ കണത്തിലും
മുത്തായ്‌ തിളങ്ങും
മഴനീര്‍ കനവായ് നീ-
യെന്നരുകില്‍ അണയൂ,
മുകിലേ മഴമുകിലേ.
കേരം നിറഞ്ഞോരെന്‍
സുന്ദരമാം ഗ്രാമം തന്നില്‍
മാന്‍കുരുന്നുകള്‍ മേയുമീ
പുല്‍ത്തകിടി തന്നില്‍ ,
കോടമഞ്ഞില്‍ പീലിവിടര്‍ത്തും
മയിലുകള്‍ തന്‍ താഴ്വരയില്‍
ഹംസങ്ങള്‍ ഇണചേരും
വാഹിനീ തടങ്ങളില്‍
ചെന്ത്താമാര വിടരുമാ -
അമ്പല കുളങ്ങളില്‍
ശോശന്ന പൂവിരിയും
പള്ളി  അങ്കണങ്ങളില്‍
വന്‍ മരുഭൂതന്നിലെ
പള്ളി മിനാരങ്ങളില്‍
വേഴാമ്പലായ് കേഴും
എന്‍ ,കുടില്‍ മുറ്റത്തും
പെയ്തിറങ്ങൂനീ മുകിലെ
മണ്ണിനു വിണ്ണിന്‍ വരദാനമേ .
-

Sunday, December 12, 2010

പ്രവാസി

;;മരണം;; ,ഇത് ജീവിതത്തിന്‍റെ അവസാന വാക്കല്ല ,യഥാര്‍ത്ഥ ജീവിതത്തിന്‍റെ കവാടം
ആണ് 'മരണം'.   പരലോകത്താണ് നമ്മുടെ ഓരോരുത്തരുടെയും യഥാര്‍ത്ഥ ജീവിതം , അവിടെ ഇന്ത്യയോ ,ചൈനയോ ,അമേരിക്കയോ, ഒന്നും തന്നെയില്ല  . ഉള്ളത് രണ്ടേ രണ്ടു മാത്രം ,ദൈവീക നിയമങ്ങള്‍ക്കു കീഴ്പെടുകയും ,ദൈവത്തെ മാത്രം നമിച്ചു കൊണ്ട് ജീവിക്കുന്നവര്‍ക്കുള്ള സുഖസമ്പൂര്‍ണമായ  സ്വര്‍ഗ്ഗവും ,ദൈവ നിയമങ്ങള്‍ അവഗണിക്കയും, താന്തോന്നിയായ് ജീവിക്കുന്നവര്‍ക്കും ഉള്ള  നിത്യദുരിതപൂര്‍ണവും ആയ  നരകവും.അപ്പോള്‍ നമ്മള്‍ ആലോചിക്കേണ്ടത് ഒന്ന് മാത്രം, 
എന്താണ് ജീവിത ലക്‌ഷ്യം ?.
ഈ ലോകത്തിലുള്ള സുഖസമൃദ്ധി മാത്രം കണക്കാക്കുകയും അത് നേടി എടുക്കുകയും ആണോ ലക്‌ഷ്യം ,? അല്ല . ഇവിടെ നമുക്ക് ഏറിവന്നാല്‍ ജീവിക്കാന്‍ കഴിയുക എഴുപതോ എന്പതോ വര്ഷം മാത്രമാണ് .അത് നാം ദൈവ നിയമങ്ങള്‍ അനുസ്സരിച്ച് ,ഖുര്‍ആന്‍,ബൈബിള്‍,ഭഗവത്ഗീത,ഇതില്‍ ഏതിന്‍ടെ സഹായത്തോട്‌    ആണെങ്കിലും  നന്മയുടെ മാര്‍ഗത്തില്‍ , ചിലവഴിച്ചാല്‍ നമുക്ക് കിട്ടാനിരിക്കുന്നത്‌ അറ്റമില്ലത്തതും നമ്മുടെ ഭാവനയില്‍ കണക്കുകൂട്ടാന്‍ പറ്റാത്തതുമായ സ്വര്‍ഗീയ ജീവിതമാണ് ,മറിച്ച് ദൈവനിയമങ്ങള്ക്ക് വിപരീതമായ് ചിലവഴിച്ചു എഴുപതോ എന്പതോ വര്ഷം എന്ന് ഒരു ഉറപ്പും ഇല്ലാതെ താന്തോന്നിയായ് കഴിച്ചുകൂട്ടിയാല്‍ കിട്ടുക അവസാനമില്ലാത്ത നരക ജീവിതമാണ് ,
അതിനാല്‍ ജീവിത ലക്‌ഷ്യം പരലോകവും ശാശ്വത മോക്ഷവും ആയിരിക്കേണം .
ഈ ലോകത്ത് ഒരു പ്രവാസിയായ് കഴിഞ്ഞുകൂടണം ,പരലോകം സ്വന്തം നാടായ്‌ കണ്ട് അവിടേയ്ക്കു സ്ഥിരതാമസ്സമാക്കാന്‍ വെമ്പുന്ന ഒരു പ്രവാസി ,അതായിരിക്കണം നാം ഓരോരുത്തരും ,

Saturday, December 11, 2010

പൂങ്കുയില്‍ (കവിത)

പൂങ്കുയില്‍
,,,,,,,,,,,,,,,,,,,,,,
പൂക്കാത്ത തളിര്കാത്ത ഒര്മയാം മാവിന്‍കൊമ്പില്‍
ഒരു പെണ്‍കുയില്‍ പാടുമാ പാട്ടില്‍ ഉയരുന്നു ,
ഏതോ വിഷാദത്തിന്‍ തേങ്ങല്‍ .
ശോകമായ് പടുന്നതെന്തിനു പൂങ്കുയിലേ
ഈ അല്ലലിന്‍ ഹേതു എന്തെന്നു ചൊല്ലുകില്‍ ,
നിന്നുള്ളിന്‍ വിങ്ങലിനു തെല്ലാശ്വസ്സമാകില്ലെ .
അറിയുന്നു ഞാനാ ആത്മദുഃഖം ,
ആര്‍ദ്രമാം ഹൃദയത്തിന്‍ നൊമ്പരങ്ങള്‍ ,
തളിര്‍ക്കാത്ത മാവിന്‍ കൂടുവിട്ട്‌,
പൂത്തുതളിര്ത്തൊരു നിജമാം ചില്ലയില്‍-
കൂട്കൂട്ടൂ, ദുഃഖങ്ങളൊക്കെ വെടിഞ്ഞു നീ ,
സന്തോഷ ഗാനമൊന്നു മൂളൂ,,,,

Friday, December 10, 2010

അമ്മ ഒരു ദേവാലയം

അമ്മേ  നീയൊരു  ദേവാലയം
നന്മകള്‍ പൂവിട്ടു പൂവിട്ടു
പൂജിക്കും ആലയം ,ദേവാലയം ....
അമ്മേ  നീയൊരു  ദേവാലയം
നന്മകള്‍ പൂവിട്ടു പൂവിട്ടു
പൂജിക്കും ആലയം ,ദേവാലയം .
         കാരാഗൃഹത്തില്‍ പിറന്ന കാര്‍വര്‍ണനും
         കാലിത്തൊഴുത്തില്‍ പിറന്ന പൊന്നുണ്ണിക്കും ,,,,,
         കാരാഗൃഹത്തില്‍ പിറന്ന കാര്‍വര്‍ണനും
         കാലിത്തൊഴുത്തില്‍ പിറന്ന പൊന്നുണ്ണിക്കും,
         വന്‍ മരുഭൂവില്‍ ധര്‍മപ്രവാചകനും
         ജന്മം നല്‍കിയ സുകൃതിനി നീ ,,,,,,
         വന്‍ മരുഭൂവില്‍ ധര്‍മപ്രവാചകനും
         ജന്മം നല്‍കിയ സുകൃതിനി നീ ,
അമ്മേ  നീയൊരു  ദേവാലയം
നന്മകള്‍ പൂവിട്ടു പൂവിട്ടു
പൂജിക്കും ആലയം ,ദേവാലയം .
         കുന്തിയും നീയെ ഗാന്ധാരിയും നീയേ,,,
         നൊന്തു പെറ്റവരുടെ ദുഃഖം നീയേ ,
         കുന്തിയും നീയെ ഗാന്ധാരിയും നീയേ,,,
         നൊന്തു പെറ്റവരുടെ ദുഃഖം നീയേ ,
         അങ്കത്തില്‍ ജയിചോരും അന്ത്യം വരിച്ചവരും
         അമ്മയ്കൊരുപോല്‍ ,ഒരുപോലെ .
         അങ്കത്തില്‍ ജയിചോരും അന്ത്യം വരിച്ചവരും
         അമ്മയ്കൊരുപോല്‍ ,ഒരുപോലെ .
അമ്മേ  നീയൊരു  ദേവാലയം
നന്മകള്‍ പൂവിട്ടു പൂവിട്ടു
പൂജിക്കും ആലയം ,ദേവാലയം ....
         രക്തസാക്ഷിയായ്   തീര്‍ന്നോരുണ്ണിക്കായ്   
         ഒരുപിടി വറ്റുമായ് നീ ഇന്നും  കാത്തിരിപ്പൂ  
         രക്തസാക്ഷിയായ്   തീര്‍ന്നോരുണ്ണിക്കായ്   
         ഒരുപിടി വറ്റുമായ് നീ ഇന്നും  കാത്തിരിപ്പൂ .
         നെഞ്ചിലെ നൊമ്പര ജ്വാലകള്ആയ്‌    
         സ്നേഹബന്ധുരെ നീനിന്നെരിയുന്നു ,
         നെഞ്ചിലെ നൊമ്പര ജ്വാലകള്ആയ്‌    
         സ്നേഹബന്ധുരെ നീനിന്നെരിയുന്നു ,
.അമ്മേ  നീയൊരു  ദേവാലയം
നന്മകള്‍ പൂവിട്ടു പൂവിട്ടു
പൂജിക്കും ആലയം ,ദേവാലയം ....
അമ്മേ  നീയൊരു  ദേവാലയം
നന്മകള്‍ പൂവിട്ടു പൂവിട്ടു
പൂജിക്കും ആലയം ,ദേവാലയം .

Thursday, December 9, 2010

പൂന്തിങ്കള്‍ (കവിത)

            
  പൂന്തിങ്കള്‍  (കവിത)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
മുത്തു പതിച്ചൊരു പട്ടുടുത്തു
മന്ദമായ് നീങ്ങും ഇന്ദുമതീ,
നിന്നുടയാടയില്‍ നിന്നിത്തിരി മുത്തുകള്‍,
ഇന്നിവിടെ വിതറിയാല്‍
പുലരിക്കുമാവില്ലേ നിന്‍ സാമീപ്യം ?.
പകലവന്‍ അവന്‍ ഇങ്ങെത്തും നേരം ,
നിന്നുടെ മുത്തുടയാടയും ചൂടി ,
എങ്ങു പോയ്‌ മറയും സുന്ദരീ നീ .
നിദ്രതന്‍ ആഴിയില്‍ നീരാടുവാനായ്,
നിലാ പൊഴിയുമാ ചേല ഉരിഞ്ഞു വച്ചോ ?.
താരകളാം തോഴികള്‍ കളിയായ്‌ ,
നിന്‍ പട്ടുച്ചേല കവര്‍നീടുകില്‍,
കറുത്തവാവാകില്ലേ പിന്നുള്ള സന്ധ്യകള്‍ ?.

Monday, December 6, 2010

പ്രണയം (കവിത)

പ്രിയമുള്ളവളേ ,,,,പ്രണയമേ ,
പിന്നയും നീയെന്നെ തൊട്ടുണര്‍ത്തി .
ആകാശതോപ്പിലെ നക്ഷത്രപൂപോല്‍,
മിന്നിതെളിയുന്നു എന്‍ മനം തന്നില്‍  .
മന്ദാരപൂക്കളും ഇളമാന്‍മിഴികളും,
തൂമഞ്ഞുതുള്ളിയും ചന്ദനതെന്നലും.
പൂനിലാഒളിയും നിന്‍പുഞ്ചിരിയും,
ഉള്കുളിരേകുന്നു എന്നോര്മകളില്‍ .
നിന്‍മനംമൂളും       ഓരോകൊഞ്ചലും ,
ഇളം കാറ്റിലുലയും നിന്‍ മുടിഇഴകളും .
നിന്‍ കവിള്‍  കുങ്കുമവര്‍ണവും,
കവിതകള്‍ആകുന്നു എന്‍വിരല്‍തുമ്പില്‍. 

Sunday, December 5, 2010

പ്രേമ ഭ്രാന്ത് (കവിത )

നിന്‍ മണിവീണതന്‍ നേര്‍ത്ത -
തന്ത്രി കളിലോന്നായ് ഞാന്‍ മാറിയെങ്കില്‍ ,
ആ മനോഹരാംന്കുലി തന്‍ തലോടല്‍ -
എന്നില്‍ സുന്ദര രാഗം ഉതിര്‍തേനെ.
നിന്‍ തളിര്‍ മേനിയില്‍ പറ്റിക്കിടക്കും-
പൊന്നരഞ്ഞാണം ആയ്ഞ്ഞാന്‍ മാറിയെങ്കില്‍ ,
ആ കുളിര്‍ മേനിതന്‍ സൌന്തര്യം -
എന്നില്‍ വര്‍ണപ്രപഞ്ചം തീര്തേനെ .
നിന്‍ കണ്ണിണകളില്‍ തൂകിയ -
കരിമഷി ആയ ഞാന്‍ മാറിയെങ്കില്‍,
ആ സുന്ദര നയനങ്ങള്‍ ഒതിടും കവിതകള്‍ -
എന്നില്‍ ആനന്ത ബാഷ്പ്പം തൂകിയേനെ .  

Friday, December 3, 2010

ചിത (കവിത)

ദുഃഖങ്ങളൊക്കെയും ചാപല്യമല്ലെ,
ചാരുതേ നിന്‍ ദിനങ്ങള്‍ എത്രയോ ബാക്കി ,
മനസ്സിനെ മദിക്കും നോവുകളെല്ലാം ,
ചിതയില്‍ വെടിഞ്ഞു മുക്തി നേടൂ .
ജന്മം തന്നത് ഈശ്വരനെങ്കില്‍ ,
അവനില്‍ കാണൂ രക്ഷകനെയും ,
ദുഃഖം മറക്കാന്‍ പുഞ്ചിരി അണിയൂ,
സ്നേഹം ആയെന്നും നടമാടൂ എങ്ങും .
ബന്ധങ്ങള്‍ തന്‍ ബന്ധനങ്ങള്‍ ,
വേണ്ടെന്നു വയ്ക്കാന്‍ കഴിയില്ല എങ്കിലും ,
ബന്ധുക്കളെക്കാള്‍ എത്രയോ ശ്രേഷ്ട്ടം
ആശ്വാസ്സ വാക്കാല്‍ ചാമരം വീശും
നന്മ നിറഞ്ഞ നല്ലവരാം തോഴര്‍ .

Thursday, December 2, 2010

പുലരി (കവിത)

     ഉണരൂ ഉഷസ്സെ ഓര്‍മ്മകള്‍ തന്‍ മഞ്ചലില്‍ നിന്നും,
     മഴ നീര്‍ കണങ്ങള്‍ ഉതിരുമീ വേളയില്‍
     മധുര കിനാവിന്‍ താരാട്ടു കെട്ടുറങ്ങും ,
     മനോഹരീ മന്ദം നീ ഉണരൂ .
     മണിക്കൊലുസ്സിന്‍ താളം കേള്‍ക്കാന്‍ .
     മമ ഹൃദയം വെമ്പുന്നു തോഴീ ,
     മാണിക്ക്യ വീണയില്‍ ഒരു രാഗം മീട്ടി ,  
     മന്ദമായ് ഉണരൂ നീ യെന്‍ പുലരി .
     മാമയില്‍ തന്‍ ആനന്തനൃത്തവും ,
     മഴവില്ലിന്‍ ഏഴു  വര്‍ണങ്ങളും ,
     മതിയോളം കാണുവാന്‍ കൊതിചീടുമെന്‍- .
     മനതാരിന്‍ വെമ്പല്‍ നീ അറിയുന്നില്ലേ ,
     മിന്നാമിനുങ്ങുകള്‍ മിന്നിമറയുന്നു ,
     മാന്തളിര്‍ ഉണ്ണും കുരുവികള്‍ പാടുന്നു .
     മലരുകളെല്ലാം മെല്ലെ വിടരുന്നു ,
     മധുര പ്രദീക്ഷയില്‍ ഞാനുമിരിക്കുന്നു .

Saturday, November 27, 2010

ചാക്കോ വെറും ചാക്കോ (കഥ)

ചാക്കോ എന്നൊരു മുതലാളി ഉണ്ടായിരുന്നു ,അയാളുടെ വീട്ടില്‍ ഒരു കരിമ്പന ഉണ്ടായിരുന്നതിനാല്‍ അയാള്‍ ''കരിമ്പനചാക്കോ'' എന്നാണ് അറിയപെട്ടിരുന്നത് .
ഒരു ദിവസം അയാള്‍ കരിമ്പനയുടെ കുറച്ച് പട്ട വെട്ടി ഒതുക്കി .അന്ന് മുതല്‍ അയാള്‍ ''പനമ്പട്ടചാക്കോ'' ആയി .പിന്നീട് ഒരു മഴ സീസണില്‍ ഇടിവെട്ടി പനയുടെ മണ്ട പോയി. അങ്ങനെ '' ഇടിപ്പനചാക്കോ'' എന്ന് പേര് വീണു.ഇടി വീണ പന ഇനി നിന്നിട്ട് കാര്യമില്ലാന്നു തോന്നി അയാള്‍ പനയുടെ മണ്ട വെട്ടി . അതോടെ  പേര് ''പനവെട്ടിചാക്കോ'' എന്നായി. കുറച്ച് നാള്‍ കഴിഞ്ഞപ്പോള്‍ പനയുടെ ബാക്കി കുറച്ചുകൂടി ഉണങ്ങി ,അതിന്‍റെ നടുക്ക് വച്ച് വെട്ടികളഞ്ഞു അതാ പേര് വീണ്ടും മാറുന്നു , ''നടുവെട്ടിചാക്കോ'' . ഈ അവസ്സരത്തില്‍ ആണ് നാട്ടിലാകെ തന്ടെ  പേരില്‍  മാറ്റം വന്ന കാര്യം അയാള്‍ അറിഞ്ഞത്. ''കരിമ്പനചാക്കോ'' നടുവെട്ടിചാക്കോ ആയതില്‍ ഉള്ള അമര്‍ഷം ബാക്കി നിന്ന പനയുടെ അടുക്കല്‍ തീര്‍ത്തു .പനം കുറ്റിയോളം ചേര്‍ത്ത് വെട്ടി കളഞ്ഞു . കുറ്റി മാത്രം ബാക്കി യായി .  നാട്ടുകരുണ്ടോ വിടുന്നു ,പുതിയ പേരിട്ടു ''പനംകുറ്റിചാക്കോ'' . ദേഷ്യം മൂത്ത് അയാള്‍ വേര് ഉള്‍പ്പടെ മാന്തി കളഞ്ഞു ,വീണ്ടും പേര് മാറ്റം ''വേര്മാന്തിചാക്കോ'' .സഹി കേട്ട് ചാക്കോ പത്രത്തില്‍ പരസ്യം കൊടുത്തു ,എന്ടെ പേര് വേര്മാന്തിചാക്കോ എന്നല്ല വെറും ചാക്കോ എന്നാണ്. എന്തായാലും ഈ പരസ്യം വന്നതിനു ശേഷം ആരും അയാളെ വേര്മാന്തിചാക്കോ എന്ന് വിളിച്ചില്ല. പകരം ''വെറുംചാക്കോ'' എന്ന് വിളിച്ചു . മരിക്കുന്നവരെ അയാള്‍ ''വെറുംചാക്കോ'' ആയിരുന്നു .. 

Wednesday, November 24, 2010

അമ്മേ നീ ഒരു ദേവാലയം (കഥ)

                 അമ്മേ നീ ഒരു ദേവാലയം
ഭര്‍ത്താവിന്‍റെ മരണ ശേഷം ആ അമ്മ വളരെ കഷ്ട്ടപെട്ടാണ് ആ മകനെ വളര്‍ത്തിയത്‌ .വിവാഹ പ്രായമെത്തിയപ്പോള്‍ അവന്‍ ഒരു ഭാര്യയെ കണ്ടെത്തി .അമ്മയും, മകനും, ഭാര്യയും .
ദിനങ്ങള്‍ കടന്നു പോയ്കൊണ്ടിരിക്കെ ,ഭാര്യയില്‍ മാറ്റങ്ങള്‍ കണ്ടു തുടങ്ങി  ,അമ്മയ്ക്ക് മകനോടുള്ള സ്നേഹത്തില്‍ അവള്‍ക്ക് അസൂയ തോന്നി തുടങ്ങുന്നു .ക്രമേണ അസൂയ വെറുപ്പാകുന്നു .എങ്ങിനെ തങ്ങളുടെ ജീവിതത്തില്‍ നിന്നും അമ്മയെ ഒഴിവാക്കും എന്ന ചിന്തയായി പിന്നീട് .
ഒടുവില്‍ ലക്‌ഷ്യം നേടാന്‍ അവള്‍ ഒരു വഴി   കണ്ടെത്തുന്നു ,അവള്‍ക്ക് പ്രേതബാധ  കൂടിയിരിക്കയാണ് എന്നും ബാധ ഒഴുപ്പിക്കാന്‍ പൂജ ചെയ്യണം ,പൂജയ്ക്ക് ഭര്‍ത്താവിന്‍റെ അമ്മയുടെ കരള്‍ വേണമെന്നും ,ഒരു ദുര്‍മന്ത്രവാതി വഴി അവള്‍ ഭര്‍ത്താവിനെ അറിയിച്ചു .
അങ്ങനെ ആ ക്രൂരനായ മകന്‍ തന്ടെ അമ്മയെ കൊല്ലുകയും കരള്‍ പറിച്ച്എടുക്കയും ചെയ്തു .
പിടയ്ക്കുന്ന കരളുമായ്‌ ആ നികൃഷ്ട്ടജന്മം, മന്ത്രവാതിയുടെ വീട്ടിലേയ്ക്ക് പോകുന്ന വഴി കല്ലില്‍ തട്ടി വീഴാന്‍ തുടങ്ങി .അപ്പോള്‍ അവന്ടെ കയ്യില്‍ ഇരുന്ന് ആ പാവം അമ്മയുടെ കരള്‍ പറയുന്നു ,''അയ്യോ മോനെ വീഴല്ലേ, കല്ലില്‍ തട്ടാതെ നോക്കി നടക്ക്.''

Friday, November 5, 2010

എന്ടെ വിദ്യാലയം (കവിത)

 

     എന്ടെ വിദ്യാലയം                                                           
                               
                                                                        
മധുവൂറം പൂക്കള്‍
                    വിരിഞ്ഞു നില്‍ക്കും
മണമേറും പൂന്തോപ്പ്‌
                ആണ്,എന്‍ പാഠ;ശാല
ശിഷ്യരാം  പുഷ്പ്പങ്ങള്‍
              സ്നേഹമായീ തോപ്പില്‍
ഗുരുക്കളാം ഊര്‍ജത്താല്‍
                    സൌരഭ്യം നല്‍കുന്നു
ഈതോപ്പിനുള്ളില്‍ .
                    സത്യവും സ്നേഹവും
പേറുന്ന ശിഷ്യരും
                     നന്മയും തെളിമയും
ഊട്ടുന്ന ഗുരുക്കളും
                      ഒന്നിച്ചു വിളങ്ങുന്നു
ഈതോപ്പിനുള്ളില്‍
                     പ്രാവുകള്‍ കുറുകുന്ന
മച്ചും പുറവും
                     കിളികള്‍ പാടുന്ന
പൂമര ചില്ലയും
                      പുല്‍മേടുകളും
ആല്‍മരത്തണലും
                   ഒത്തു ചേര്‍ന്നുള്ള
എന്‍ടെ  വിദ്യാലയം

Thursday, November 4, 2010

എന്ടെ നാട് (കവിത)

                            എന്ടെ നാട്
മലകള്‍ മരങ്ങള്‍ മതങ്ങള്‍ ,
മലരുകളും മലര്‍വനികളും,
നാടന്‍പാട്ടും നാടോടിതെയ്യവും ,
വിളങ്ങി നില്‍ക്കും മലയാളമേ ,
കുര്‍ബാന കൈകൊള്ളും മലയാളമെ.


കാടുകള്‍ കൈതകള്‍ കാട്ടരുവികള്‍ ,
കേരവൃക്ഷങ്ങളും കാട്ടാനകൂട്ടവും ,
തപ്പുംതുടിയും താരാട്ട്പാട്ടും  ,
ഒത്തു ചേരുന്നൊരു മലയാളമേ,
ബാങ്കുവിളി കേട്ടുണരുന്ന മലയാളമെ.


മൈനകള്‍ മങ്കകള്‍   മന്ദാരങ്ങള്‍ ,
മാരിവില്ലും മാന്‍പേടകളും,
കളരിപയറ്റും  കോല്‍കളിയും,
കൌതുകം നല്‍കിടും മലയാളമേ ,
ശാന്തി മന്ത്രം ഉയരും മലയാളമെ.


കദളികള്‍ കടമ്പുകള്‍ കായലുകള്‍ ,
ഓണക്കളിയും ,ഒപ്പനയും ,
മാര്‍ഗംകളിയും മയിലാട്ടങ്ങളും ,
കൊണ്ടാടുന്നൊരു മലയാളമേ,
മരതക ചേല ചുറ്റിയ മലയാളമെ .

Saturday, October 23, 2010

രണ്ടു രൂപയും ഒരു പിടി സ്വപ്നങ്ങളും(കഥ)

രണ്ടു രൂപയും ഒരു  പിടി     സ്വപ്നങ്ങളും 
         
അന്നും വേലു തന്ടെ കച്ചവട ചരക്കുകള് മായി ഇറങ്ങി ,പല പല ദൈവങ്ങളുടെയും മറ്റും സുന്ദര രൂപങ്ങള്‍ വേലുവിന്റെ കച്ചവട ചരക്കായ കളിമണ്‍ പ്രതിമകളില്‍ ഉണ്ട്. എന്നാല്‍ ഇപ്പോള്‍ ആര്‍ക്കും അത്തരം പ്രതിമകള്‍ വേണ്ട ,പൂച്ച പട്ടി തുടങ്ങിയ പ്രതിമകള്‍ കൊണ്ട് അലങ്കാര മുറികള്‍ മോഡി പിടിപ്പിക്കുവനാണ് എല്ലാവര്ക്കും താല്പര്യം .അതിനാല്‍ കച്ചവടം മോശമാണ് .
പട്ടിണി മാറ്റാം.വൈകും നേരങ്ങളില്‍ കടല്‍ തീരത്തെത്തുന്ന വിദേശികളാണ് അവന്ടെ ലക്‌ഷ്യം .ആര്‍ക്കെങ്കിലും പ്രതിമകളില്‍ കവ്തുകം തോന്നിയാല്‍ കുടുമ്പം പട്ടിണിയില്‍ നിന്നു രക്ഷ പെടും .ഭാര്യയും രണ്ടു കുഞ്ഞുങ്ങളും അടങ്ങിയ കുടുമ്പം .അന്നന്ന് കിട്ടുന്ന വരുമാനം കൊണ്ട് അന്നം നേടുന്നു .
ഒരു നാള്‍ വേലുവിന്റെ പ്രതിമകള്‍ വാങ്ങാന്‍ ആരുമില്ലതായാല്‍ കുടുമ്പം പട്ടിണി തന്നെ .അവന്‍ വിശ്വസിക്കുന്ന അവന്ടെ ദൈവം അവനെ ഇതുവരെ ചതിച്ചിട്ടില്ല . അദ്വാനത്തിന് കൂലി അവനു കിട്ടാറുണ്ട് .
ഉള്ളില്‍ ഉള്ള ദുക്കവും പേറി അലയടിച്ചുയരുന്ന തിരമാലകള്‍ എണ്ണിഇരുപ്പു തുടങ്ങിയിട്ട് ഏറനേരം ആയി ,ഇതുവരെ കച്ചവടം ഒന്നും നടന്നില്ല .നാല് പ്രതിമകള്‍ വിറ്റാല്‍ കിട്ടുക ഇരുപതു രൂപയാണ് .അരിയും മറ്റും വാങ്ങി കഴിഞ്ഞാല്‍ ഒന്നോ രണ്ടോ രൂപ മിച്ചം കിട്ടും .അത് ഭാര്യയെ എല്പിക്കും
ഈ മിച്ചം വയ്ക്കുന്ന പണം സൊരൂപിച്ചാണ് കുട്ടികളുടെ പടിപ്പാവശ്യങ്ങള്‍ നടത്തുന്നത് .  
ചിന്തിച്ചു ചിന്തിച്ചു വീണ്ടും കാട് കയറാന്‍ തുടങ്ങുമ്പോഴാണ് രണ്ടു  വിദേശികള്‍ പ്രതിമയുടെ വില ചോതിച്ചത് ,അവ അവര്‍ക്ക് നന്നേ ഇഷ്ടമായീന്നു അവരുടെ കണ്ണുകളില്‍ നിന്നും വേലു വിനു മനസ്സിലായി .
ഇതുതന്നെ തക്കം ഇരട്ടി വില ചോതിക്കാം ,ഒത്താല്‍ പോക്കരിക്കായുടെ കടം വീട്ടണം .
എന്തായാലും ചോതിച്ച വിലക്ക് തന്നെ അവര്‍ പ്രതിമകള്‍ വാങ്ങി ,ഒത്തിരി ഒത്തിരി സന്തോഷത്തോടെ വേലു സഞ്ചിയും തൂക്കി നടന്നു ,അരിയും സാതനങ്ങളും വാങ്ങി കഴിഞ്ഞപ്പോള്‍ ഇരുപത്തഞ്ചു രൂപ മിച്ചം .നേരെ പോക്കരിക്കയുടെ കടയില്‍ ചെന്ന് പത്തു രൂപ  കടം വീട്ടി .അപ്പോഴാണ് മനസ്സില്‍ ഒരാശ ഷാപ്പില്‍ ഒന്ന് കയറിയാലോ ?
പെട്ടെന്ന് തന്നെ ആ ആശ ഉപേഷിച്ചു .കുഞ്ഞുങ്ങള്‍ക്ക്‌ ഓരോ ജോഡി ചെരുപ്പ് വാങ്ങാം ,ചെരുപ്പില്ലാതെ ആണ് അവര്‍ സ്കൂളില്‍ പോകുന്നത്‌.
എന്നാല്‍ ആ തീരുമാനവും മാറി .ഭാര്യയ്ക്ക് മാറി ഉടുക്കാന്‍ ഒരു മുണ്ട് വാങ്ങാം .നേരെ തുണി ക്കടയിലെയ്ക്ക് നടന്നു .അപ്പോള്‍ മറ്റൊരു ചിന്ത അവനെ പിടിക്കൂടി .ഈ പണം സൂക്ഷിച്ചു വച്ചിരുന്നാല്‍ പലപ്പോഴായ് കിട്ടുന്ന പണം കൂട്ടി വച്ച് വീടിന്ടെ ഓല മാറ്റി ഒടാക്കാമല്ലോ .അതെ അതുതന്നെ ആണ് ശരിയായ തീരുമാനം .അവന്‍ തിരികെ വീട്ടിലേയ്ക്ക് നടന്നു .വീട്ടിലെത്തിയപ്പോള്‍ അവിടെ ആരെയും കാണുന്നില്ല .അടുത്ത വീട്ടില്‍ അന്ന്വെഷിച്ചപ്പോള്‍ ഞെട്ടിക്കുന്ന വാര്‍ത്ത ആണ് കേട്ടത് .മൂത്ത കുട്ടിയെ പാമ്പ് കടിച്ചു ആശുപത്രിയില്‍ ആക്കിയത്രെ,വേലു പെട്ടെന്ന് തന്നെ ആശുപത്രിയില്‍ എത്തി .ഭാഗ്യം കുട്ടികൊന്നും സംഭവിച്ചില്ല .
പക്ഷെ ആശുപത്രി ബില്ലിലെ തുക കണ്ടപ്പോള്‍ വേലു വിന്ടെ കണ്ണു നിറഞ്ഞു .''പതിമൂന്നു'' രൂപ .അന്നും, ഭാര്യേ എല്പ്പിക്കുവാന്‍ മിച്ചം രണ്ടു രൂപ മാത്രം .

Wednesday, October 20, 2010

കണ്ണീര്‍ പൂക്കള്‍

                                                                                         
കണ്ണീര്‍ പൂക്കള്‍

\എല്ലാ തവണയും വെക്കേഷന് നാട്ടിലെത്തി തിരികെ പോരുമ്പോള്‍ ചിരിച്ചു കൊണ്ട്
സന്തോഷത്തോടു കൂടി യാത്രയാക്കുന്ന ഒരേ ഒരു വെക്തി എന്ടെ ബാപ്പയാണ്.പണി ഇല്ലാതെ നാട്ടില്‍ നിന്നാല്‍ ശരിയാകില്ലന്നു ബാപ്പയ്ക്അറിയാം ,അതിനാല്‍ പിരിയുന്നതില്‍ നല്ല പ്രയാസം ഉണ്ടെങ്കിലും പുറമേ ചിരിച്ചു കൊണ്ട് എന്നെ യാത്രയാക്കും.
എന്നാല്‍ കഴിഞ്ഞ വെക്കേഷന് തിരികെ വന്നപ്പോള്‍ പതിവിനു വിപരീതമായ അനുഭവമാണ് ,ബാപ്പയുടെ കണ്ണുകള്‍ ഈറനായി ,എയര്‍പോര്ട്ടിലെയ്ക്കുള്ള യാത്രയ്ക്കിടയില്‍ ബാപ്പയുടെ ചോദ്യം ?, ''എന്ടെ  പെനിഷന്‍ തുക  നിനക്ക്  തന്നാല്‍ യാത്ര ഒഴുവാകുമോ ?, ഉമ്മയുടെ ശമ്പള തുക കൊണ്ട് ബാക്കി കാര്യങ്ങള്‍ നടന്നു കൊള്ളും.''
പ്രദീഷിക്കാത്ത ഈ ചോദ്യം കേട്ടപ്പോള്‍ ഒരു സമാശ്വാസ്സ തെന്നലായ് അന്ന് അതെന്നില്‍ വീശി .ഞാന്‍ യാത്ര പറഞ്ഞു പിരിഞ്ഞു .
ഗള്‍ഫിലെത്തി ആറു മാസം കഴിഞ്ഞ് ഒരുനാള്‍ ബാപ്പ ഈ ലോകത്തോട്‌ യാത്ര പറഞ്ഞു എന്ന് ഇക്ക ഫോണ്‍ ചെയ്തു പറഞ്ഞപ്പോള്‍ ,അന്നത്തെ ബാപ്പയുടെ വാക്കുകള്‍ ഒരു കൊടുങ്കാറ്റു പോലെ കാതില്‍ മുഴങ്ങി .ആറു മാസം മുമ്പ് തന്നെ ബാപ്പ അറിഞ്ഞുവോ ?.ബാക്കി ദിവസ്സങ്ങള്‍ ഒപ്പം കഴിച്ചു കൂട്ടാനുള്ള ഒരു ക്ഷണം ആയിരുന്നില്ലേ അത് .?.
                                                                          
സ്നേഹ നിധി ആയ ആ ബാപ്പയ്ക് ഈ മകന്ടെ കണ്ണീര്‍ പൂക്കള്‍ .

Wednesday, October 13, 2010

യാചന ;കവിത

                                                                                            
യാചന

പോകുവാന്‍ ഉണ്ട് എനിക്കെത്രയോ ദൂരം .


മരണമേ നീ ഒന്ന്‍ അനുവദിചീടുക.


ഓര്‍മയില്‍ എങ്ങോ പിന്നിട്ട വഴികള്‍ ,


രാത്രിയില്‍ കണ്ട സ്വപ്‌നങ്ങള്‍ മാത്രം .


പോകുവാന്‍ ഉണ്ട് എനിക്കെത്രയോ ദൂരം .


മരണമേ നീ ഒന്ന്‍ അനുവദിചീടുക.


ഒന്നുമൊന്നും ആകാതെയെങ്ങനെ 


വന്നിടും ഈ നേരം നിന്നോടൊപ്പം .


ആശകളൊക്കെയും ബാക്കിയാക്കി 


ആരോരുമില്ലത്തവനായ് നിനക്കൊപ്പം


പോരുവാനെനിക്ക് സന്തോഷം ഇല്ലെങ്കില്‍


എന്തിനു നീയെന്നെ കൊണ്ടുപോയീടണം .


കഴിയുമോ മരണമേ നിനക്കെന്നെ ചതിക്കുവാന്‍


നിന്നിലും  ഇല്ലേ അല്പം കരുണതന്‍ കണിക .


എത്തിടൂ മ്രിത്യുവേ നീയെന്നരുകില്‍ ,


ആശകള്‍ ഒക്കയും ഒടുങ്ങുന്ന വേളയില്‍ .


പോന്നിടാം നിന്നൊപ്പം ഒട്ടും മടിക്കാതെ .


ഇപ്പോള്‍ മടങ്ങൂ നീ തനിയെ .

Thursday, September 30, 2010

സ്വപ്നതേര്

                       
  സ്വപ്നതേര് . കവിത



                                                                
ഒരു കൊച്ചു സ്വപ്നത്തിന്‍ ചിറകിലേറി


ഞാനിന്നാദ്യമായ് ഈ മലര്‍ തോപ്പിലെത്തി ,   


പൂമണം തൂകി എത്തിയൊരു കുഞ്ഞു-


 തെന്നലോന്നെന്നെ മെല്ലെ തഴുകി നിന്നു .

വര്‍ണങ്ങള്‍ ഒരായിരം വിതറി നില്‍ക്കും


സുന്ദര സൂനങ്ങള്‍ വരവേല്‍പ്പ് നല്‍കി ,

ഒരു കൊച്ചു സ്വപ്നത്തിന്‍ ചിറകിലേറി


ഞാനിന്നാദ്യമായ് ഈ മലര്‍ തോപ്പിലെത്തി ,  


ഒരു കുഞ്ഞു കുരുവിതന്‍ ചുണ്ടിനാല്‍ 


കോര്‍ത്തൊരു കുന്നിക്കുരു മാല ചാര്‍ത്തി തന്നു .


പൊന്പട്ടു ചിറകുകള്‍ വീശി വന്നെത്തിയ 


പൂമ്പാറ്റ കുരുന്നുകള്‍ നൃത്തമാടി


ഒരു കൊച്ചു സ്വപ്നത്തിന്‍ ചിറകിലേറി

ഞാനിന്നാദ്യമായ്  ഈമലര്‍തോപ്പിലെത്തി ,   

                                                                                  
ഇത്തിരി ഒന്ന് മയങ്ങുവാനായ് തെന്നല്‍ 


 
നല്ലിളം പൂമെത്ത തീര്‍ത്തുതന്നു .

ഒരു പൂങ്കുയില്‍  പാടിയ പാട്ടില്‍ ഞാന്‍ ,

എന്നെ മറന്നങ്ങു നിന്നു പോയി .

ഒരു കൊച്ചു സ്വപ്നത്തിന്‍ ചിറകിലേറി

ഞാനിന്നാദ്യമായ് ഈ മലര്‍ തോപ്പിലെത്തി,


ആവോളം  മധു ഉണ്ടു ഞാന്‍ പൂം-

തളിര്‍ മെത്തയില്‍ മയങ്ങും നേരം ,

ആരോ ഒരിറ്റു പനിനീര്‍ തളിച്ചെന്‍

സ്വപ്ന വിപഞ്ചിക തകര്‍ത്തുവല്ലോ .

ഒരു കൊച്ചു സ്വപ്നത്തിന്‍   ചിറകിലേറി


ഞാനിന്നാദ്യമായ് ഈ മലര്‍  തോപ്പിലെത്തി
            
                                       
                                               

                                          
.