നിത്യ വിസ്മയമാം കടലിന് സഖീ ....
എന്തു ഭംഗിനിന് ഈറന് മേനി
പട്ടു മെത്തയാം പൊന്മണല് തൂകി
ചിപ്പിയും ശങ്ഖും ചന്തമേകും ഉടല്
കടല് തന് ,തിരകളാം കൈകളില്
വാരിപുണര്ന്നുമ്മ നല്കും ഉടല്
പൂമീന് കുരുന്നുകള് മുത്തി മടങ്ങും
മനോഹരീ നിന്, കുളിര് മേനി
ആരു നിനക്കേകിയീ കുളിര്
ആരും കൊതിക്കുമീ സുഖം
ചന്ദന തെന്നലോ ?പൂനിലാവോ ?
തിരകളാം കൈകള് തന് തലോടലോ ?
നിന് കുളിര്തൂകുമാം മടിത്തട്ടില്
അല്പമൊന്നിരിക്കുവാന്,
നിന് തോഴിതന് ചന്തവും
ഒപ്പം നുകര്ന്നീടുവാന്
എന് പൊയ്പോയ നാളുകള്
എല്ലാമേ ഓര്ത്തിടാന്
എത്തി ഞാനിന്നു നിന്നരുകില് .
ഉള്ളിനുള്ളില് നിന്നുയര്ന്നിടും
ചേതോവികാരമേ ,സ്നേഹമേ
മാനസ്സതന്ത്രികള് തൊട്ടുണര്ത്തും
മധുരവികാരം സ്നേഹം .
ഓരോ ജീവ തരന്ഗവും ഒന്നായ്
എന്നുമേ പുലര്ത്തൂ സ്നേഹം .
കരളിലമൃദ വര്ഷമായ് പെയ്യും ,
മൊഴിയുംമിഴിയും കവിത നെയ്യും ,
മൃദുല വിചാരം സ്നേഹം .
കുളിരേറ്റുലയും പുല്കൊടി നാമ്പിന്
കുളിര് കാറ്റിനോടും സ്നേഹം ,
പനിനീരേകും പുലരിമഞ്ഞിനോടു
പനിനീര്പൂവിനും സ്നേഹം
മഴയായ് മാറ്റും മാമലയോട്
മാരിക്കാറിനും സ്നേഹം
മനവും തനുവും അനുഭൂതിയേകും
മൃദുലം ലളിതം തരളമീ സ്നേഹം
ഒരു മഴവില് ചാരുതയില് പ്രദീക്ഷതന് പ്രകാശത്തിന്
ധുംന്ധുഭി ഭേരി മുഴക്കി ചടുല താള നൃത്ത ചുവടില്
ഒളിവീശി,മധുതൂകി,എത്തീടുമൊടുവില്ന്നോമല് സഖീ.
കാത്തു നില്ക്കുന്നു ഞാനവള്ക്കായ്.
ഏകാന്ത രാത്രികളില് കനവുകള് നല്കിയ
ഓരോ കിനാവിലും ഏഴഴക് വിടര്ത്തിയ
പ്രണയിനിയാം ,സ്നേഹമയി , എന്നോമല് സഖി
കാത്തു നില്ക്കുന്നു ഞാനവള്ക്കായ്.
കനകമിഴിയില് ആനന്ദ ബഷ്പ്പവും ,കവിതയും തൂകി
പനിനീര് മുത്തുകള് വിതറിയിങ്ങെത്തുമാപെണ്കൊടി
അവള് തൂകും പനിനീര് കണങ്ങള് ഏറ്റുവാങ്ങാന്
കാത്തു നില്ക്കുന്നു ഞാനവള്ക്കായ്.
എന്നോര്മതന് തീരങ്ങളില്
കൂടണയും പ്രണയമേ
എന്നോ മറന്നൊരു പാട്ടിന് ശീലുകള്
വീണ്ടും ഉണര്ന്നു എന്മനോവീണയില്
നെഞ്ചുടുക്കില് താളമുതിര്ന്നു
മനസ്സിന് കോണില് മൌനമുടഞ്ഞു
ആടി പാടാന് മോഹമുണര്ന്നു
ആശകളൊക്കെയും ഓടിയണഞ്ഞു
നോമ്പരമെല്ലാം ഉള്ളിലൊതുക്കി
ഉള്ളിലെ സ്വപ്നം ചിറകു വിരിച്ചു
സ്നേഹം പുല്കി ഉണര്ത്തിയ ശീലില്
മോഹപ്പൈക്കിളി പാറിനടന്നു
പനിനീര്പ്പൂ
,,,,,,,,,,,,,,,,,,,,
സുന്ദരീ നിന്മേനിയില് , കവിള്തടങ്ങളില്
എന്തിത്ര ചിന്തൂരം ,എന്തിനീ തുടുതുടിപ്പ്,?
പുലരിയില് , പൊന്കതിര് ശോഭയില്
വിടര്ന്നൊരു ചെമ്പനീര് പൂവേ ....
ധളങ്ങളില് പനിനീര് പൊഴിച്ച് ,
മനോഹാരിണീ,നീ ഏകാകിനിയായ്
പട്ടുമേനിയില് സൌരഭ്യവുമായ്
പ്രേമലോലയായ് ചാഞ്ചാടി മെല്ലെ
കാത്തു നില്പ്പതാരെ നീ സുന്ദരീ ...?
നവവത്സരാശംസകള്
................................................
ഒരുപകല് വിടചൊല്ലി പിരിഞ്ഞു 'സന്ധ്യ'യ്ക്കായ് .
സന്ധ്യയോ സ്വാഗതമരുളി മറ്റൊരു പകലിനായ്.
ഓരോ പകലും ,ഓരോ സന്ധ്യയും കടന്നുപോയ്,
ആഴ്ച്ച അതൊന്നിങ്ങ് എത്തീടുന്നു മെല്ലെയായ്.
ആഴ്ച്ചകള് നാല് നീങ്ങിയങ്ങ് മന്ദമായ് .
മാസം അതൊന്നു എത്തിയിങ്ങ് ചാരെയായ്
മാസ്സങ്ങളും മെല്ലെ മെല്ലെ കടന്നുപോയി
ആ സുന്ദര നിമിഷമതിങ്ങ് വന്നുചേര്ന്നു നമുക്കായ്
നേരുന്നു ,നവവത്സരാശംസകള് നിങ്ങള്ക്കായ് .
എകാന്തമാം എന്രാത്രികളില് അവള്
ശോകാര്ദ്രമാം ഒരു സംഗീതം പോല്
ഇരുളിന് മറവില് തേങ്ങിയെത്തും,
മിഴിനീര്തൂകും ഗീതം .
പുലരിയിലവള് കണ്ണീരുതുടച്ചു
പുഞ്ചിരിതൂകി മറയുമൊരു മനോഹരി
ഇരുണ്ട്കുളിരൂറും രാത്രികളും
നനുത്തസുഖമേറും പകലുകളും
എനിക്കേകും സുന്ദരിയവള്
മഞ്ഞുതുള്ളിയാല് വിടരുമിതള്പോല്
മേല്ലെവേ എന്നോര്മകള് ഉണര്ത്തും
ചില നേരങ്ങളില് എന്നോര്മകളെല്ലാം
കഴുകി പുത്തനാം ഉണര്വുകളേകും
വരണ്ട ഭൂമിയില് സ്വാന്ത്വനമേകും
മഴയേ നീയൊരു സ്വാന്ത്വനഗീതം
വിണ്ണില്നിന്നും മണ്ണിലേയ്ക്കിറങ്ങി
മണ്ണില് നിന്നും മനസ്സിലേയ്ക്കെത്തും
മഴയേ നീയൊരു അനുരാഗഗീതം.