കരയുവാനായ് ഭൂമിയില് പിറന്നു ഞാന്
പിറന്ന, നാള് തൊട്ടിറ്റു സ്നേഹത്തിനായ്
കണ്ണീരില് മുങ്ങി ഞാനേകനായ്ഈ ഭൂവില്
പാരിനു ഭാരമായ് അലഞ്ഞു തിരിയുന്നു
മാദൃസ്നേഹം എന്തെന്നറിയാതെയും
പിതാവിന് ലാളന ഒട്ടുമേ എല്ക്കാതയും
ഉറ്റവരാരുമേ ഇല്ലാത്തൊരു ജന്മം
ഞാന് ഉത്തരമില്ലാത്തൊരു ചോദ്യം
മുട്ടില്ല, ഒരുനേരത്തെ കഞ്ഞിക്കു
ഭിക്ഷചോദിചീടുകില് വിശപ്പകറ്റീടാം
തണ്ണീര്പന്തല്, അതില്, കുടിനീരതും
സ്നേഹമെന്നതെവിടെ ലഭിക്കും
ആര്ദ്രമാംഹൃദയങ്ങള് ഏറയുണ്ടെന്നാലും
ആശ്വാസമേകാന് അനാഥനാരുമില്ല
തങ്ങുവാന് അനാഥമന്ദിരം ഉണ്ടെന്നാലും
സ്നേഹമതവിടെയും അനാഥനന്യം
ആകാശ മേടയില് വിളങ്ങിനില്ക്കും
അമ്പിളിമാമനെ വേണ്ടെനിക്ക്
സ്നേഹം ,ഒരിറ്റു സ്നേഹം അനാഥനു
സ്നേഹം ,ഒരിറ്റു സ്നേഹം അനാഥനു
ചോദിപ്പതു ഞാനിതൊന്നു മാത്രം ,